Zahid İsmayılov
| Zahid İsmayılov | |
|---|---|
| 2005 – 2009 | |
| Seçki dairəsi | 24 sayılı Naxçıvan şəhər |
| Əvvəlki | Nəriman Orucəliyev |
| Sonrakı | Anar İbrahimov |
Cəhri bələdiyyəsinin sədri | |
| 2004 – 2009 | |
| Şəxsi məlumatlar | |
| Doğum tarixi | 1957 |
| Doğum yeri | |
| Partiya | |
| Fəaliyyəti | siyasətçi |
Zahid Kamil oğlu İsmayılov (1957, Cəhri, Naxçıvan rayonu) — azərbaycanlı dövlət və siyasi xadim, Naxçıvan Ali Məclisinin III çağırış deputatı.
Həyatı
[redaktə | mənbəni redaktə et]Zahid İsmayılov 1957-ci ildə Babək rayonunun Cəhri kəndində anadan olmuşdur. 1964–1974-cü illərdə Cəhri kənd orta məktəbində təhsil almışdır. 1974-cü ildə Naxçıvan şəhər 101 nömrəli Tikinti İdarəsində fəhlə olaraq işləməyə başlamışdır. 1977–1979-cu illərdə hərbi xidmətdə olmuşdur. Hərbi xidməti başa vurduqdan somra Naxçıvan şəhər 2719 nömrəli Avtomobil Dəstəsində sürücü olaraq işləmişdir.
1988-ci ildə Naxçıvan Hərbi Qarnizonunun Zabitlər Evi nəzdində fəaliyyət göstərmiş muhasibatlıq kursunu bitirmişdir. 1989–1990-cı illərdə "Kamil" kooperativini yaradaraq həmin kooperativə sədrlik etmişdi.
Ailəsi
[redaktə | mənbəni redaktə et]Ailəlidir. Bir övladı var.
Siyasi fəaliyyəti
[redaktə | mənbəni redaktə et]1999-cu Azərbaycanda bələdiyyə seçkilərində Azərbaycan Xalq Cəbhəsi Partiyasından Cəhri bələdiyyəsinin üzvü seçilmişdir. 2004-cü ilədək bələdiyyənin daimi komissiyasının sədri və bələdiyyənin suvarma suyuna nəzarət şöbəsinin müdiri olmuşdur.
2004-cü il bələdiyyə seçkilərində yenidən Azərbaycan Xalq Cəbhəsi Partiyasından Cəhri bələdiyyəsinin üzvü seçilmişdir. Eyni zamanda Cəhri bələdiyyəsinin sədri seçilmişdir.
Zahid İsmayılov 6 noyabr 2005-ci ildə keçirilən Naxçıvan Ali Məclisinə seçkilərdə 24 saylı Naxçıvan şəhər seçki dairəsindən Azərbaycan Xalq Cəbhəsi Partiyası üzvü olaraq deputatlığa namizəd olmuşdur. O, seçkilərdə 2730 səs (65,3%) toplayaraq seçkini birinci tamamlamış və deputat seçilmişdir. Naxçıvan Ali Məclisinin III çağırışının ilk iclasında Ali Məclisin Yerli özünüidarəetmə komissiyasının sədr müavini seçilmişdir.
Zahid İsmayılov Naxçıvandakı məmur özbaşınalığına və müxalif olmağın mümkünsüzlüyünə etiraz edərək 2009-cu ildə deputat mandatından imtina etdi və bələdiyyə sədri postundan da istefa verdi.[1]
Mənbə
[redaktə | mənbəni redaktə et]- Naxçıvan Muxtar Respyblikası Mərkəzi Seçki Komissiyası:"Naxçıvanda Parlament seçkiləri: 6 noyabr 2005"; Naxçıvan-2006.
- Naxçıvan MR MSK Arxivləşdirilib 2020-06-03 at the Wayback Machine
İstinadlar
[redaktə | mənbəni redaktə et]- ↑ Azadlıq Radiosu. "Zahid İsmayılov istefa verdi". 10.08.2009. 2017-08-10 tarixində arxivləşdirilib. İstifadə tarixi: 25.08.2020.